Hasi dira Zubiaurren ur edangarriaren sareko hodi nagusiaren zati bat berritzeko lanak

Urbycolan, S.Mak ur edangarriko sarearen zati bat berritzen ari da Gipuzkoako Ur Kontsortzioaren enkarguz aurreko astetik. Sareko hodi nagusia eta etxebizitza eraikin bakoitzera sartu aurreko zatiak aldatuko ditu, Zubiaurre kaleko 26etik 36era bitarteko zatian. Lana egiteko bi hilabete izango dituenez, irailaren bukaeran bukatua izango duela espero da.

Berritu eta ordeztu beharreko hodia, orokor edo nagusia da eta horrekin batera kaleko etxebizitzetara doan hodi tarte meheagoa, zeinak jabe Erkidegoarekin bat egiten duen lekura artean, hortik barrurakoa jabeei baitagokie. Ur Kontsortzioak oharra jarri du ukituriko eraikinetan eta horretan adierazten zaie bizilagunei eraikin barrura doan hodi zati pribatuaren egoera baloratzeko, aldatu edo berritu behar dela uste duten kasuetan sarea irekita izango dela aprobetxa ditzaten, gerora espaloia berriz apurtu eta ireki beharrik ez izateko.

Zubiaurre altuko zonalde horretan ur edangarriko sarearen hodi nagusia aparkalekuetatik sartuko denez, ezin izango da bertan aparkatu. Lan eremua seinaleztaturik dago, lubakia egin da eta afekzioen artean apatu behar Bizkaibuseko 3909 geltokia gorago jarri izan dela, bertan obrako etxolak jarri izan direlako. Autobusei leku egiteko, lur gainean izan diren edukiontziak ere aurrerago jarri dira.