PSOE izan da beste behin alderdirik bozkatuena Ermuan Hauteskunde Orokorretan

Pedro Sanchez buru duen PSOE alderdiak lortu ditu boto gehien igande honetan Ermuan, 2019ko azaroaren 10eko Gorte Nagusietarako Hauteskundeen barnean. Alderdi sozialistak 2.607 boto eskuratu ditu, baliozko botoen %29,93a.

2019ko bigarren Hauteskunde Orokor hauetako parte-hartzea %69,63koa izan da; pasatu den apirilaren 28ko hauteskundeekiko 5,68 puntu jaitsi da partaidetza, orduan %75,31ekoa izan baitzen. Bozkatzeko aukera duten 12.623 pertsonako erroldatik, 8.789 bizilagunek erabili dute botoa emateko eskubidea.

Hauteskundeen errepikapen honetan, gure udalerrian boto gehien izan duen bigarren alderdia EAJ izan da (1.652 boto, %18,96), eta jarraian, Unidas Podemos (1.553 babes, %17,83). Alderdi Popularra laugarren indarra izan da Ermuan, 1.208 botorekin (%13,87), eta EH Bilduk 937 pertsonen babesa izan du (%10,76).

Aurkeztutako gainontzeko alderdietako bakoitzak 300 boto baino gutxiago eskuratu ditu gure herrian, lerro hauen osteko taulan ikusi daitekeen moduan.

Abstentzioa %30,37koa izan da Hauteskunde hauetan.

Hauteskunde Orokorretan Ermuan izandako emaitzen inguruan xehetasun gehiago behar izanez gero, kontsulta ezazu honako taula Excel formatuan.

2019ko apirilaren 28ko Hauteskunde Orokorretako datuak ikusi nahi izanez gero, sakatu hemen.