Eguberriak argiak eta ilusioa pizten ditu gure kaleetan

Eguberri jaiak ate joka ditugu; iristear, gero eta hurbilago. Hori dela eta, Ermuan jarri ohi dugun argiztapen apaingarria bart arratsaldean piztu zen, Kaltxangoko espazio berrian egindako ekitaldi herrikoi batean. Juan Carlos Abascal alkateak eta Miguel Ledesma, Jol Gisasola, Harri Araiztegi eta Jose Manuel Conde zinegotziek hirigune erdialdeko arbola eta konposizioak pizteko ekitaldian izan ziren. Plazatxoan jende ugari bildu zen, argiak pizteko ekitaldia ikustearekin batera, herriko Merkatari eta Ostalarien Elkarteak (EMOEk) eskainitako txokolatea eta bizkotxoak dastatu zutenak.

Aurtengo Gabonetan gure herrian argi apaingarrien 252 elementu ditugu. Kopuru horretako gehienak (225 multzo) Ximenez Catalunya enpresak jarri ditu, lehiaketa publiko bidez kontratatutakoak. Udaleko zerbitzuetako lan-taldeak beste 27 multzo osagarri jarri ditu Ongarai eta San Pelaio auzoetako plazatan, azken horren arkupeetan, Abeletxeko egoitzan eta hiriaren sarreratan (Eibartik edo Hambreko errepidetik). Gabonetako argiteriaren aurrekontu osoa 59.000 euro pasatxo da, BEZa barne.

Gabonetako argiak –kontsumo txikiko led haria– hilabetez piztuko dira, atzoko abenduaren 4tik urtarrilaren 6ko gauera bitartean. Hilaren 7an hasiko dira osagai multzoak erretiratzen.