Urteko azkeneko Osoko Bilkurarako egingo du Udalbatzak

Ermuko Udalak abenduko ezohiko Osoko Bilkura egingo du asteazken honetan, hilak 18. 2019ko azkenengo bilera izango da, eta 19:00etan hasiko da lehen deialdian, edo 19:30ean bigarrenean.

Gai-zerrendak bost puntu ditu, eta, ohi bezala, zinegotziei egiten zaien gonbidapenarekin hasiko da saioa, gai-zerrendako edozein gairen inguruan egon daitekeen edozein interes garrantzitsuren berri eman dezaten.

Bigarrenik, aurreko Osoko Bilkurako akta onartuko da, joan den azaroaren 19an egindakoa.

Hirugarren puntuan, Pedro Gallego Monteirok PSE-EE/PSOEko zinegotzi kargua hartuko du Jose Luis Araujo Araujoren ordez, azken horrek aurreko Osoko Bilkuran kargua utzi ondoren.

3774/2019 Dekretuaren kontu-ematea izango da arratsaldeko laugarren gaia, eta bertan aurrekontuaren bosgarren aldaketaren berri emango da.

Azkenik, Udalbatzak lanpostuen zerrendaren aldaketa onartzea bozkatuko du.

Gogorarazi nahi dizuegu saioa streaming bidez emango dela zuzenean Udalaren webgunean eta YouTubeko kanalaren bidez.

Dokumentazio osoa esteka honetan kontsulta dezakezue.