Arratsaldean kontu kontari Lobiano Kultur Gunean

Ermuko Udal liburutegiak Arratsaldean kontu kontari ipuin-kontaketa zikloko urteko hirugarren saioa antolatu du larunbat honetarako, abenduak 21.

Haizearen taupadak da ipuin-saioaren izenburua, eta 6 eta 9 urte arteko haurrei zuzenduta dago. Birjiñe Albira izango da kontalaria, eta saio osoa euskara hutsean egingo da.

Jarduera Lobiano Kultur Gunean egingo da 17:30etik aurrera, eta sarrera doakoa da.

Kontaketa saioa baldintza egokietan garatu ahal izateko, plazak mugatuak izango dira. Halaber, eta etenik ez sortzeko, puntualtasuna eskatzen da.