Gabonetako ordutegi bereziak Udal zerbitzuetan

Ermuko hainbat Udal zerbitzuk euren irekiera ordutegiak aldatuko dituzte Gabonetako eta Urte Berriko jai-egunetara egokitu ahal izateko. Udaletxea itxita egongo da abenduaren 24an, 25ean eta 31n eta urtarrilaren 1ean eta 6an, eta gainontzeko zerbitzuek honako ordutegiak izango dituzte:

• Abiapuntu: herritarren arretarako bulegoa 13:30ean itxiko da ostiral honetan, abenduak 20. Hilaren 24an, 25ean eta 31n eta urtarrilaren 1ean eta 6an itxita egongo da, eta gainontzeko egunetan ohiko ordutegia izango du, astelehenetik ostiralera 08:00etatik 15:00etara. Bestalde, gogorarazten dizuegu egoitza elektronikoa urteko 365 egunetan 24 orduz egoten dela erabilgarri.
• Liburutegia: instalazioak abenduaren 22an, 24an, 25ean, 28an, 29an eta 31n itxiko ditu ateak, baita urtarrilaren 1ean eta 6an ere. Gainerako egunetan, ohiko ordutegiari eutsiko dio: 09:30etik 20:30era aste barruan, eta 09:30etik 13:30era larunbatetan. Informazio gehiago nahi izanez gero, kontsultatu liburutegiaren egutegia.
• Kiroldegia eta Betiondo: UKEk kudeatzen dituen udal kirol instalazioek abenduaren 25ean eta urtarrilaren 1ean itxiko dituzte ateak. Abenduaren 24an eta 31n M. A. Blanco kiroldegia 08:00etatik 15:00etara egongo da zabalik, nahiz eta fitness gela eta igerilekua ordu erdi lehenago itxiko dituzten. Errege Egunean, urtarrilak 6, ordutegia 09:00etatik 13:00etara luzatuko da. Betiondo kirolgunea, berriz, 09:15etik 13:00etara irekiko da abenduko egun berezi horietan, eta 08:30etik 13:30era Errege Egunean. Abenduaren 24an, 25ean eta 31n zein urtarrilaren 1ean eta 6an administrazio-bulegoak itxita egongo dira.
• Lobiano Kultur Gunea: kultur etxea itxita egongo da abenduaren 20ko arratsaldean, baita abenduaren 24an, 25ean eta 31n eta urtarrilaren 1ean eta 6an ere. Gainontzeko gabonetako egunetan, 09:00etatik 14:00etara egongo da zabalik.
• Emakumeen Topalekua: goizez bakarrik egongo da irekita, 9:30etik 13:00etara. Abenduaren 24an, 25ean eta 31n eta urtarrilaren 1ean eta 6an itxita.