Arratsaldean kontu kontari larunbat honetan

Ermuko Udal liburutegiak aurtengo Arratsaldean Kontu Kontari ipuin kontaketa zikloko lehenengo jardunaldia antolatu du larunbat honetarako, urtarrilak 18.

Ipuin saio berriaren izenburua Ipuin dibertigarriak izango da, eta 6 eta 8 urte arteko haurrei zuzenduta egongo da. Ipuin kontalaria eta dinamizatzailea Sergio de Andres izango da, eta saio osoa euskara hutsean garatuko da.

Ekimena Lobiano Kultur Gunean izango da, arratsaldeko 17:30etik aurrera. Sarrera doakoa dela gogorarazten da, baina jardueraren martxa egokia bermatu ahal izateko, plazak mugatuak izango dira: 40 neska-mutilek parte hartu ahalko dute. Halaber, etenik ez sortzeko, puntualtasuna eskatzen zaie parte-hartzaileei.

• Arratsaldean Kontu Kontari jardueraren kartela