Arratsaldean kontu kontari etxeko txikientzat

Ermuko Udal liburutegiak Arratsaldean kontu kontari ipuin kontaketa zikloaren barneko saio berri bat antolatu du larunbat honetarako, otsailak 15.

Ipuin saioaren izenburua Sutondoan da, eta 5 eta 7 urte bitarteko neska-mutilei zuzenduta dago. Birjiñe Albira ipuin-kontalariak gidatuko du saioa, eta euskara hutsean izango da.

Ekimena 17:30ean hasiko da Lobiano Kultur Gunean, eta sarrera doakoa izango da. Jardueraren garapen egokia bermatze aldera, plazak mugatuak izango dira, eta gehienez ere 40 umek parte hartu ahal izango dute. Era berean, etenik ez sortzeko, puntualtasuna eskatzen da.