Ingelesezko ipuin kontaldia larunbat arratsalderako

Ermuko Udal liburutegiak Story Time ingelesezko ipuin kontaketa zikloko saio berri bat antolatu du larunbat honetarako, martxoak 7.

Ipuin saioaren izenburua What a disaster da, eta 5 eta 9 urte arteko umeei zuzenduta dago. Jarduera Hannah Berry kontalariak dinamizatuko du.

Ekintza hau liburutegiak asteburuetarako antolatzen dituen jardueren egitarau bereziaren barne dago, eta helburu bikoitza dauka: batetik, ahozko tradizioaren bitartez ipuinen mundura hurbiltzea eta, bestetik, umeen ingelesezko gaitasun linguistikoak hobetzea.

Jarduera Lobiano Kultur Gunean burutuko da arratsaldeko 17:30etik aurrera. Sarrera doakoa da, baina gehienez ere 40 neska-mutilek parte hartu ahalko dute, saioaren isiltasun eta kalitate baldintza egokiak bermatze aldera. Bestalde, etenik ez sortzeko, puntualtasuna eskatzen da.