Maileguan hartutako liburuen eta ikus-entzunezkoen itzulketa-epeak luzatu egin dira

Coronavirusaren hedapenaren harira pasatu den igandean osasun-alarma egoera ezarri zenetik, Ermuko Udal liburutegiak herritarren dei ugari jaso ditu maileguan hartutako liburuak, aldizkariak eta ikus-entzunezkoak entregatzeko epea berritzeko eskatuz.

Ildo horretan, jakinarazten dugu Eusko Jaurlaritzako Liburu eta Liburutegien Zerbitzuak Euskadiko Irakurketa Publikoko Sarea osatzen duten liburutegietako bazkideek maileguan dituzten dokumentu guztiak berritu dituela.

Honela, liburutegiko bazkideek maileguan dituzten materialak entregatzeko zehaztu den data berria apirilaren 1a da. Beraz, ordura arte ez da beharrezkoa izango telefonoz deitzea, e-mailak bidaltzea edo online berritzeak egitea.

Bestalde, gogoratu nahi dizuegu Euskadiko Irakurketa Publikoko Sareak zerbitzu digitalak eskaintzen dituela. eLiburutegia plataformaren bitartez, liburu digitalak mailegatzeko eta Internet bidez filmak, telesailak, kontzertuak eta dokumentalak ikusteko aukera eskaintzen da.