KZguneak zuzeneko hitzaldi didaktikoen zerbitzu berri bat iragarri du, ikus-entzunezko kanalaren bidez

KZgunea sareak -telezentroen sare publikoa dena, eta Eusko Jaurlaritzaren Gobernantza Publiko eta Autogobernu Saileko Informatika eta Telekomunikazioen Zuzendaritzaren mende dagoena, gure gizarteak teknologia berrietan aurrera egitearekin konprometituta jarraitzen du. Horregatik, gaur egun ditugun zailtasunen eta koronabirusaren ondorioz zentroak itxita mantentzen diren bitartean, telefono eta posta elektroniko bidezko laguntza mantentzen du zalantza teknologiko guztiak argitzeko. Gainera, zuzeneko hitzaldi informatibo eta didaktikoen zerbitzu berri bat iragarri du ikus-entzunezko emisioen kanalaren bitartez.

Maiatzean KZguneak askotariko hitzaldi interesgarriak eskainiko ditu, goizeko zein arratsaldeko ordutegi eskaintza zabalean.

Zuzeneko hitzaldietara joateko ez da beharrezkoa aurrez izena ematea. Interesa duten pertsonek Interneterako konexioa baino ez dute behar, KZguneaTicvideo YouTube ekitaldirako sarrera erabat librea baita.

Maiatzeko hitzaldien edukia, data, ordutegia eta izenburu zehatzak honako hauek dira:

• Maiatzak 5, 11:00etatik 13:00etara: Murgildu zaitez errealitate birtual eta areagotuan/Gaztelaniaz
• Maiatzak 7, 18:00etatik 20:00etara: Erosi etxetik irten gabe/Gaztelaniaz
• Maiatzak 12, 18:00etatik 20:00etara: Heziketa eta segurtasuna Interneten/Gaztelaniaz
• Maiatzak 14, 11:00 etatik -13:00etara: Zure ordenagailua birus eta bestelako mehatxuetatik babestu/ Gaztelaniaz
• Maiatzak 19, 11:00etatik 13:00etara: Ezagutu 3D inprimatzeak dituen aukerak/ Euskaraz
• Maiatzak 21, 18:00etatik 20:00etara: Gauzen Interneta/Gaztelaniaz
• Maiatzak 26, 18:00etatik 20:00etara: Android sekreturik gabe/Gaztelaniaz
• Maiatzak 28, 11:00 etatik 13:00etara: Zure Smartphonea beti prest edo sasoi betean izan/Gaztelaniaz