Saritutako irakurketa gomendioak

Ermuko Udal liburutegiak irakurketa gomendioak jasoz ospatu du aurten Liburuaren Eguna, eta parte hartu duten pertsona guztien artean zozketa egin du. Horrela, Beatriz Vicente suertatu da garaile helduen kategorian, eta Jugatx García, aldiz, gazteen artean. Liburutegia zabaldu bezain laster, liburu elektroniko bana jasoko dute irabazleek.

64 pertsonak parte hartu dute zozketan, eta audioen, bideoen, argazkien eta testuen bidez helarazi dituzte gomendatutako liburuak. Gomendioak egunero argitaratzen dira Ermuko liburutegiaren Facebookeko orrialdean.