Amaitu da gaztelaniazko irakurketa kluba

Helduentzako gaztelaniazko irakurketa klubaren ikasturteko azken bilera egingo da gaur, asteazkena, arratsaldean. Aurrez aurrekoak izan ohi diren bilerak birtualak bihurtu dira azken hilabete hauetan, baina hala ere, kluba osatzen duten pertsonek ez dute galdu parte hartzeko eta euren irakurketa esperientziak partekatzeko gogoa.

Honakoak dira gaztelaniazko irakurketa klubean ikasturte honetan zehar hautatu eta landu diren irakurgaiak. Horietako batzuk formatu digitalean aurkitu eta irakurri ditzakezue loturei jarraituz:

• Todo cuanto amé - Siri Hustvedt
• La casa de las bellas durmientes - Yasuri Kawabata
• La uruguaya - Pedro Mairal
• Cuerpos malditos - Lucía Baskaran
• El lugar - Annie Ernauxl
• Zorba el griego - Nikos Kazantzakis
• Los asquerosos - Santiago Lorenzo
• Vidas imaginarias - Marcel Schwob

Irakurketa kluba hilero 10-20 lagunek egiten duten bilera bat da; aldez aurretik, guztiek liburu bera irakurtzen dute. Bileran obra komentatzen da, iritzia ematen da, irakurketaren bizipena partekatzen da eta obra, gaia eta egilea testuinguruan kokatzen dira, topaketa horiek ikasteko eta gizarteratzeko gune bihurtuz. Liburutegia arduratzen da kluba osatzen duten pertsonentzako aleak lortzeaz, eta Peru Magdalenak dinamizatzen ditu saioak.

Doako jarduera da, baina plazak mugatuak direnez, aldez aurretik izena eman behar da. Irailean euskarazko, gaztelaniazko, frantsesezko eta ingelesezko irakurketa-kluben denboraldi berri bat hasiko dela aurreikusten da. Jarduera honetan interesatuta bazaude, deitu 943 17 92 12 telefonora edo bidali zure datuak biblioteka@udalermua.net helbidera.