Maiatzeko arratsaldean Kontu kontari jarduera, on line egingo da

Maiatzaren 9an, larunbata, Liburutegiak antolatuta, “Arratsaldean kontu kontari” ipuin kontaldia izango da.

Egungo alarma egoerak saioa egokitzera behartu du, aurrez aurrekoa izatea ezinezkoa delako. Ipuin kontaldia udal Liburutegiko Youtube kanaletik zabalduko da eta larunbatetik, maiatzaren 9tik, arratsaldeko 17:30etik maiatzaren 11ko asteleheneko 8:00etara bitartean egongo da ikusteko aukera.

Kontaketa euskaraz izango da, "Mimiren abenturak” izenburua du eta 3 eta 7 urte bitarteko haurrentzat da aproposa. Kontalaria Lur Usabiaga izango da.