Ehun-karpa batekin estaliko da Errotabarriko parkea abuztutik aurrera
Errotabarri plazako haur jolasak itxi egingo dira datorren astelehenean, uztailaren 13an, ehunezko estalkia eraikitzeko lanei hasiera emateko; horri esker, egun euritsuetan ere erabili ahal izango da jolas-gune hori.
Construcciones Ubarri enpresak astelehenean ekingo dio obra zibilari, eta Arquitectura Textil S.L. enpresak hilaren amaieran muntatuko du egitura, logistika koordinatu eta gainbegiratu ondoren.
Plazaren azpian dagoen aparkalekuaren gainean zapata aurrefabrikatuak jarriko dira zoladuraren gainean, hori aldatu gabe, forjatuari eta garaje-plazen iragazgaizteari ez eragiteko. Elementu horiek jarri ondoren, 260 metro karratuko karpa aurrefabrikatua ekarriko da eta haurrentzako jolasgunean muntatuko da. Azpiegitura San Pelaio plazan dagoenaren antzekoa izango da.
Estalkia abuztuaren erdialderako prest egotea espero da. Ordura arte, ezin izango dira instalazioak erabili.