KZguneak aurretiazko zitarekin ekingo dio jarduerari

Ermuko KZguneak gaur, irailak 2, irekiko ditu ateak. Teresa Murga eraikinean dauden instalazioak astelehenetik ostiralera egongo dira zabalik, 09:00etatik 13:00etara, eta aurrez hitzordua eskatu beharko da zerbitzuak erabili ahal izateko.

Erabiltzaileek KZgunera jo ahal izango dute eskaintzen diren zerbitzuei buruzko informazio orokorra lortzeko, BakQ edo Metapostarekin lotutako izapideak egiteko edo tutoretza presentzialak jasotzeko. Ordenagailuen erabilerari dagokionez, nabigatzeko gehienezko denbora 20 minutukoa izango da.

Ermuko KZgunean zerbitzu hauetako edozein erabiltzeko, aldez aurretik hitzordua eskatu behar da 944 03 33 45 telefonora deituz 9etatik 13etara bitartean edo tutor.ermua@kzgunea.net helbidera mezua idatziz.

Gogoan izan zentro osoan maskara erabili behar dela nahitaez, eta segurtasun-kontuak direla eta, komeni dela boligrafo propioa ekartzea, paperezko izapideak bete eta sinatu ahal izateko.

• KZgunearen informazio kartela