Jaurlaritzak Zaldibarko zabortegian egindako zaintza eta jarraipenari buruzko txostena argitaratu du

Eusko Jaurlaritzako Lurralde Plangintza, Etxebizitza eta Garraio Sailak Zaldibarko zabortegiko sutearen ondoren –otsailaren 8tik martxoaren 31ra arteko epen– egin dituen zaintza- eta jarraipen-jarduerei buruzko txosten zabal bat ezagutarazi du. Baita aztertu eta monitorizatu diren balizko kutsatzaile atmosferikoen laginen eta neurketen emaitzak ere.

Txostenak ez du jasotzen ez eta ebaluatzen gertakariak pertsonen osasunean izan dezakeen eragina; izan ere, zeregin hori eskumendun den exekutibo autonomoaren Osasun Saileko Osasun Publikoko Zuzendaritzari baitagokio.

Txostenak hamaika eranskin ditu, besteak beste, inguruneko airearen kalitateari, zaintza-jarduerei, laginen emaitzei edota metalei, hidrokarburoei, amiantoari eta beste zuntz batzuei buruzko analisiei dagozkien datuak jasotzen dituztenak.

Txosten horren 2. eranskinak Ermuko udalerriari eta Sallabente auzoari buruzkoa datuak biltzen ditu. Aldiz, 4. eranskinak Ermua, Eibar, Elgeta, Mallabia eta Zaldibarko airearen kalitatearen ingurukoak jasotzen ditu. 5. eranskinaren mamia Ermuari dagokio, eta airearen kalitatearen ingurukoak jasotzen ditu; hain zuzen ere, PM10 partikulei, metalei eta hidrokarburo aromatiko poliziklikoei dagokienean. Azkenik, 11. eranskinak Ermuko, Eibarko eta Zaldibarko udal-mugarteetako amianto-zuntzen eta beste gai batzuen ingurumen-airearen kalitatearen emaitzak zehazten ditu.

Txostena eta eranskinak Eusko Jaurlaritzaren webgunean (www.euskadi.eus) eskaintzen dira, guk horretara erraz iristeko lasterbidea lagatzen dugularik.