Udalbatzak bideokonferentziaz hileko Osoko bilkura egingo du bihar

Ermuko Udalbatzak iraila hilabeteari dagokion Osoko Bilkura egingo du asteartean -29an- goizeko 11etatik hasita lehenengo deialdian eta, ordu erdi beranduago, bigarrenean izatekotan. Bilkura hori telematikoa izango da eta hamazazpi kideek online bidez parte hartuko dute. Gai-zerrendak bederatzi puntu ditu. Betiko moduan, hasieran udalbatza-kideek hala izatekotan erabaki beharreko gaiekiko interesik edo bateraezintasunik duten adieraziko dute. Bigarrenean uztailean egindako bilkuraren akta bozketara jarriko da. Hirugarren eta laugarren puntuetan antolakuntzari dagozkion aspektuak jorratuko; 2705/2020 Dekretuaren berri emango da, alkateak eskuordeturiko eskumenei buruzkoa eta 2019-2023 agintaldian Udalbatzako kide anitzeko organoetan ordezkariak izendatzen dituena

Bosgarren gaia hirigintzako da; ‘Zubiaurre A-08 eremuko xehetasun-azterlana behin-betiko onestea edo ez erabakiko. Seigarrenean 2020-2021 ikasturterako Oinarrizko Lanbide Heziketako heziketa-zikloak emateko eskumena eskuordetzearen inguruko jarrera. Zazpigarren eta zortzigarren puntuak ekonomia atalekoak dira; 2019ko eragozpen-txostenaren berri ematea eta aipatu urteko kontu orokorra onartzeko proposamena. Azkenik, eskari-galderei tartea egingo zaie, baldin eta aurkezten badira.