Bertan behera geratu dira astelehen eta astearte honetako zine emanaldiak Ermua Antzokian

Ermuko Udaleko Kultura Sailak jakinarazi duenez, proiekzio sisteman izandako arazo teknikoak direla eta, joan den asteburuko zine emanaldiak eta gaurko eta biharko aurreikusita zeudenak bertan behera utzi behar izan dituzte.

Urriko azken aste honetarako filmak datorren astebururako birprogramatuko dira.

Saio horietarako sarrera aldez aurretik eskuratu dutenek proiekzio berrietarako erabili ahal izango dute. Gainera, urriko bonuak azaroaren 10era arte balioko du.

Kultura Saila lanean ari da jarduera lehenbailehen berrabiarazteko, eta ostegunean, azaroak 5, programazioari berriro ekitea espero dute. Hala ere, gertakizun horren berri ematen jarraituko dugu.