Ingelesezko ipuin kontatze denboraldiko bigarren saioa larunbatean izango
Udal Liburutegiak denboraldi honetako ingelesezko ipuin-kontalarien bigarren saioa antolatu du biharko, azaroak 7. ''Story Time ''saioa Lobiano Kultur Gunean egingo da 17:30etik aurrera eta sarrera doakoa da. Saioaren izenburua "Surprise, Surprise" da eta 4 eta 7 urte bitarteko haurrei zuzenduta dago. Virginia Moriones izango da kontalaria.
Jarduera hau Liburutegiak antolatutako asteburuetarako ekintza egitarau bereziaren barne dago eta helburu bikoitza dauka: ipuinen mundura ahozko tradizioaren bitartez hurbiltzea eta umeen ingelesezko gaitasun linguistikoak hobetzea.
COVID-19ren prebentzio-neurrien ondorioz, partaide kopurua murriztu egin da eta derrigorrezkoa izango da haur guztiek maskara ekartzea eta, une oro, ipinita edukitzea. Etenik edo eragozpenik ez sortzeko, ekimena hasi baino lehen iristeko eskatzen zaie parte-hartzaileei.