Udalbatza bihar bilduko da ohiko osoko bilkuran eta 2021erako aurrekontua eztabaidatuko du

Ermuko Udalbatza bihar -azaroak 24- bilduko da ohiko Osoko Bilkurara. Bertan, 2021rako Aurrekontuak izango dira gai eta ardatz nagusia. Bilera birtuala izango da eta goizeko 11:00etan hasiko; bigarren deialdian izatekotan, ordu erdi beranduago hasiko litzateke. Osoko Bilkura hori zuzenean emitituko dugu, streaming bidez, Udal webgunean eta erakundearen gure YouTubeko kanalean.

Zazpi puntu jasotzen ditu Bilkurako gai-zerrendak; lehena, ohi bezala, zinegotziei egiten zaien gonbidapena izango da, eguneko gai-zerrendako edozein gairekin zerikusia duen edonolako interes zuzen eta garrantzitsu jakitera eman dezaten. Jarraian, aurreko bilerako akta onartuko da, 2020ko azaroaren 3koa, hain zuzen.

Hirugarren puntuan, Unicef-en CAi zigilua lortzeko udalaren haur eta gazteen diagnosis eta plana hizpide izango, bozketara jarri aurretik. Laugarrengoan, bestalde; erabilera publikoko espazioetan terrazak jartzea arautzen duen udal ordenantza aldatzeko aukera hizpide izango da.

Aurrekontuaren inguruko eztabaida bosgarren puntuan hasiko da, PPk aurkeztu dituen zuzenketen eskutik. Segidan, 2021eko Aurrekontu proiektua bozkatuko da.

Azkenik, zazpigarren puntuan, eskari-galderei erantzungo zaie planteatzen badira.

• Gai-zerrenda