'Kontu kontari' jardueraren aurtengo azken saioa: leku kopuru mugatua eta izen-emate zabalik

Udal liburutegiak antolatzen duen ´Kontu kontari'' jardueraren aurtengoazken saioa abenduaren 19an izango da. Ekimenari "Flobin eta txano magikoa" izenburua jarri zaio, euskaraz izango da eta 5 eta 7 urte bitarteko haurrentzat egokia da. Xabi Flamarique izango da narratzailea.

Emanaldia Lobiano Kultur Gunean egingo da, 17:30ean hasita. COVID-19ren kutsatzeak prebenitzeko neurrien ondorioz, edukiera 15 partaidera murriztu da; beraz, nahitaezkoa da izena ematea, libre dauden plazak bete arte. Izen-emateak eta erreserbak liburutegian bertan erreserbatu daitezke, zerbitzuko 943 17 92 12 telefonora deituz, WhatsApp bidezko mezua bidaliz (https://wa.me/34943179212) edo biblioteca@udalermua.net helbidera mezu elektroniko bat bidaliz. Kasu guztietan, haurraren izena, abizenak eta adina adierazi behar dira. Plazak izen-emate ordenaren arabera esleituko dira.

Bertaratzen direnek maskara behar bezala jantzita eraman beharko dute jarduera osoan. Etenaldiak saihesteko, puntualtasuna eskatzen da.