Liburutegiak ordutegia luzatuko du azterketa aldiari begira

Urtarrilaren 2an, larunbata, azterketa garaiko ordutegi berezia hasiko da liburutegian, beraz, ordutegia aldatu egingo da.

Urtarrilaren 2tik, larunbata, urtarrilaren 31ra, igandea, biak barne, asteburuetako ordutegia 9:30etik 13:30era eta 16:00etatik 20:00etara izango da, bai larunbatetan, bai igandeetan.

COVID-19ren pandemiak eragindako egungo egoeran eta gaueko 10etarako etxean egon beharra indarrean izanik, ordea, ezin da ordutegia astelehenetik ostegunera gaueko 12ak arte luzatu, azken urteetan egin den bezala.

Ordutegi berezi horietan, liburutegia ikasteko gela gisa baino ez da irekiko. Larunbat goizetan, ordea, liburutegiak ohiko zerbitzuak eskainiko ditu, hilaren 2an izan ezik, egun honetan bertan ikasteko gela gisa baino ez baita irekiko.