Musikaren opariaz gozatu Ermua Antzokian, Oihan Vegaren eskutik

Errege Egunean, urtarrilaren 6an, utzi zure opari eta jostailu berriak alde batera eta zatoz Antzokira, Oihan Vega aurkezle eta DJ ospetsuaren Musikarium haurrentzako musikalaz gozatzera.

Ikuskizuna 17:00etan hasiko da, eta sarrerak salgai daude 4 euroren truke Lobiano Kultur Gunean eta Ermua Antzokiko leihatila digitalean.

Musikarium haurrei zuzendutako antzerki kontzertu bat da, non, modu didaktiko eta pedagogikoan musika munduan murgilduz, haurrek musika tresna ezberdinak ezagutuko dituzten eta Euskal Herrikoekin alderatuko diren, euren arteko ezberdintasunak eta antzekotasunak azalduz.