Itsaso zaporea ‘Crusoe’ haurrentzako antzezlanarekin

Markeliñe konpainiak Crusoe antzezlana aurkeztuko du larunbat honetan, Daniel Defoe idazlearen obra klasikoaren egokitzapena. Joserra Martinezek zuzendutako ikuskizuna familia osoarentzat gomendatuta dago, batez ere bost urtetik gorakoentzat.

Itsasoaren eta itsasoko munduaren zaporea duen uharte bakartitik, Crusoek denbora eta itsasontziak igarotzen ikusten ditu, eta bat bera ere ez da geratzen. Viernes lagun imajinarioaren konpainian, Crusoek bizitza lasaia bizitzea lortzen du eta itsaso zabalean dauden itsasontziak bezala, urrunean igarotzen ikusten du bizitza. Izan ere, gauzak bizitzak berak duen naturaltasunarekin gertatzen dira: batzuetan harridurarekin, beste batzuetan deserosotasunarekin, baina ia beti eurekin elkarbizitzen erakutsiz.

Markeliñek eleberri klasiko ezagunari beste buelta bat eman dio, hiru antzezle eta musikari baten bitartez, bizitzari buruzko metafora bat egiteko, dibertigarria, iradokitzailea eta irudimenez beterikoa.

Fernando Barado, Itziar Fragua, Estibaliz Villa eta Koldo Vazquez aktoreek antzeztuko dute obra larunbat honetan, otsailaren 6an, 17:00etatik aurrera, Ermua Antzokian. Sarrerak 4 eurotan daude salgai Lobiano Kultur Gunean eta Kutxabankeko leihatila digitalean.