Aukeren Azoka eraberritua prestatu dute herriko merkatariek

Ermuko Merkatari eta Ostalarien Elkarteak (EMOEk) Aukeren Azokaren edizio berri bat antolatu du, produktuen kokapena izanik berrikuntza nagusia. Izan ere, Covid-19ak eragindako osasun larrialdiko egoera dela eta, saltoki parte-hartzaile bakoitzak bere produktuak bere lokalean bertan erakustea erabaki da, postu guztiak Merkatu plazara eraman beharrean, orain arte egiten zen bezala.

21 saltoki ermuarrek hartuko dute parte otsailaren 15etik 20ra bitartean egingo den Azokan, moda, oinetakoak, osagarriak, dekorazioa eta kirolak eskainiz, besteak beste. Deskontuak eta eskaintzak Etxedreams, Cocoliso, Zapatxiki, Guipur, Gemma, B de Dios, Izarbi, Marfe, Beta, Sagardui, Itze, Artarrai, Gauzak, Izagirre, Sferico, Dulce Peques, Munay, Kokko, Eva, Goien eta Nane dendetan izango ditugu eskuragai.

Gainera, Ermua Merkataritza Gunea txartelarekin erosketak egiten dituzten bezeroek erosketa-txekeak eskuratu ahal izango dituzte azokan erabiltzeko.

• Kartela - Aukeren Azoka