2021eko Gizarte Larrialdietarako Laguntzak (GLL) eskatzeko epea hasita

Ermuko Udalak aste honetan ireki du 2021eko Gizarte Larrialdietarako Laguntzak (GLL) izapidetzeko epea. Prestazio ekonomiko horiek helburu jakin baterako dira, eta gastu espezifikoak estaltzera bideratuta daude, hala nola hipoteka, alokairua, etxebizitzaren mantenua, oinarrizko etxetresna elektrikoak konpontzea/erostea, altzariak erostea eta oinarrizko beharrak estaltzea, hala nola elikadura, betaurrekoak/audiofonoak erostea eta adinez txikientzako hortz-klinikako gastuak.

Laguntza ekonomiko horien helburua da gizarte-bazterketako egoerak prebenitzeko, saihesteko edo arintzeko beharrezkoak diren gastu espezifikoei aurre eginez, baliabide nahikorik ez duten pertsonen eta familien gizarteratzea erraztuz edo ahalbidetuz 

2021. urte honetan, familia-unitatearen osaeraren araberako urteko diru-sarreren muga ondorengo taulan zehazten da: 

Muga horiek handitu ahal izango dira errentak lanetik badatoz, Diru-sarrerak Bermatzeko Euskal Sistemak hobaria ematen baitio enplegua bilatzeari. 

Deialdian parte har dezaketen familia guztiak informatu ahal izateko, Gizarte Ekintza sailak informazio-ohar bat prestatu eta jarri du udalerriko atarietan. Horrez gain, deialdian parte hartzeko kontuan hartu beharreko alderdi orokorrak zehazten dituen bi orriko argitalpena postontzietara banatu du.

Xehetasun gehiagorako, webgune korporatibo honetan eskaintzen dugun herritarrentzako informazio-orria kontsulta daiteke. Eskaerei buruzko zalantzak argitzeko edo kontsultak egiteko, gizarte-langile batekin hitzordua eska daiteke udaleko gizarte-zerbitzuetan, 943 17 91 61 telefonora deituz.