Larunbat honetan, ‘Story Time’ ingelesezko ipuin kontaketa

Ermuko Udal liburutegiak Story Time ipuin kontaketa saioa antolatu du larunbat honetarako, martxoak 6.

Narrazioaren izenburua Two of everything da, eta 5-9 urteko haurrei zuzenduta dago. Hannah Berry kontalari britainiarra arduratuko da saioa dinamizatzeaz.

Jarduera hau liburutegiak antolatutako asteburuetarako ekintza egitarau bereziaren barne dago eta helburu bikoitza dauka: batetik, ipuinen mundura ahozko tradizioaren bitartez hurbiltzea, eta bestetik, umeen ingelesezko gaitasun linguistikoak hobetzea.

Ekimen hau Lobiano Kultur Gunean izango da, arratsaldeko 17:30ean hasita. Sarrera doakoa da, baina aurrez izena eman beharko da liburutegian, 943 17 92 12 telefonora deituz, WhatsApp bat bidaliz https://wa.me/34943179212 zenbakira edo e-mail bat bidaliz biblioteca@udalermua.net helbidera, haurraren izen-abizenak eta adina adieraziz. Plazak izen-emate ordenaren arabera esleituko dira.

Covid-19aren prebentzio-neurriei jarraituz, edukiera 15 haurretara murriztu da, eta derrigorrezkoa izango  da maskara erabiltzea haur guztientzat.

Etenik ez sortzeko puntualtasuna eskatzen da.