Abian da Ermua Hiria XXVII. literatura lehiaketa

Ermuko Udaleko Kultura Zinegotzigoak, Udal liburutegiaren bitartez, Ermua Hiria literatur lehiaketaren hogeita zazpigarren edizioa antolatu du.

Lurralde nazionalean bizi den eta 2003an edo aurrekoetan jaio den edonork parte har dezake lehiaketa honetan, eta bi kategoria eta lau modalitatetan banatzen da: narratiba, euskaraz eta gaztelaniaz, eta poesia, hau ere bi hizkuntzetan. Parte-hartzaile bakoitzak jatorrizko lan bakarra aurkeztu ahal izango du modalitate bakoitzean.

Aurtengo narrazio lanetarako aukeratu den gaia distopia da, eta obrek gehienez 10 DIN A4 foliokoak izan beharko dute; olerki konposizioei dagokienez, gai eta metrika librekoak izango dira, eta ez dituzte 100 bertsoak gainditu behar.

Lan bakoitzak izenburu bat izango du, eta izenorde batekin sinatu beharko da, egilearen anonimotasuna gordetzeko. Datu pertsonalak eta harremanetarako datuak fitxategi erantsi batean edo gutun-azal itxi batean sartuko dira.

Lanak posta elektronikoz, posta arruntez edo eskura aurkez daitezke liburutegian bertan, lehiaketaren oinarrietan zehazten den moduan.

• Ermua Hiria XXVII. literatura lehiaketako oinarriak

Epeak eta sariak

Literatura lanak aurkezteko epea maiatzaren 3an amaituko da, 23:00etan.

Lehiaketako epaimahaiak kontuan hartuko ditu gaiaren originaltasuna, hizkuntza-aberastasuna, ortografia-faltarik eza eta edozein motatako erreferentzia diskriminatzailerik eza. Epaia ekainaren 28an jakinaraziko da, 13:00etan, Udal liburutegiko mikrositean.

Lehiaketak 1.600 euro banatuko ditu saritan; 400 euro lau modalitateetako lan irabazle bakoitzarentzat.