Marwan kantariak 'El viejo boxeador' lana aurkeztuko du Ermua Antzokian

Marwan Abu-Tahoun Recio, Marwan bezala ezagunagoa, abeslari eta poeta madrildarra da. Ahoz ahoko zabalkundeari eta artista independente gisa egin duen lan etengabeari esker, egile kantuaren ahots nagusietako bat izatera iritsi da Espainian eta Latinoamerikan, eta ostiral honetan, martxoaren 12an, El viejo boxeador bere azken lana zuzenean entzuteko eta gozatzeko aukera izango dugu Ermuan.

Sabina, Serrat, Ismael Serrano edo Jorge Drexler bezalako erreferenteen jarraitzaile leiala da Marwan, eta bere soinu propioa lantzen jakin du, maisuen musikan agertzen diren zenbait alderdi urrunago eramanez. El viejo boxeador (2020) lanarekin, asmoak alde batera utzi eta benetan artista izateari ekin dio behin betiko: gizakiaren existentziaren eta bizi den munduaren inguruan oinarritzen diren askotariko istorioen kontalaria da, estilo eta soinu propio nahasezin eta edertasunez beteak dituena.

Bost estudio-disko argitaratzeaz gain, Marwanek ehunka emanaldi egin ditu Espainian, Mexikon, Argentinan, Txilen, Uruguain, Palestinan, Perun, Ekuadorren, Estatu Batuetan, Kolonbian, Frantzian, Grezian, Errusian, Dominikar Errepublikan eta Belgikan. Hiru poesia liburu ere argitaratu ditu.

Marwanek zuzenean joko du ostiral honetan, hilak 12, 19:00etatik aurrera Ermua Antzokian. Sarrerak 12 eurotan daude salgai Lobiano Kultur Gunean eta Kutxabankeko leihatila digitalean.