Abierto el plazo para inscribirse en los clubes de lectura de la Biblioteca

Euskara, gaztelania, ingelesa eta frantseseko taldeetan. Baita komiki eta adimen emozionaleko edukiak aztertzeko taldeetan ere.

Udal Liburutegiak denboraldi berriko irakurketa klubetan parte hartzeko izena emateko epea ireki du. Helduentzako irakurketa-kluben eskaintzari eutsi dio, eta euskarazko, gaztelaniazko, ingelesezko eta frantsesezko taldeak osatuko ditu. Baita adimen emozionala lantzeko beste talde bat ere.

Aldez aurretik liburu edo irakurgai bera irakurri duten 15 edo 20 lagunek osatzen duten irakurle-kluba. Irakurleek testuaz mintzatzeko biltzen dira, iruzkinak egin, iritziak eman, irakurketan bizitakoa adierazi, obraren testuinguruaz mintzatu, gaiaz, autoreaz, eta abarrez hitz egiteko. Klubak ikasteko eta sozializatzeko gune dira batez ere. Liburutegiaren egitekoa partaide guztientzat liburu edo testuak lortzea eta banatzea izango da. Kasu guztietan saioak pertsona adituek dinamizatzen dituzte.

Aurreko ikasturteko egutegia mantenduko da, beraz, euskarazko saioak hileko lehen astelehenean izango dira, arratsaldeko 19:00etatik 20:30era, ingelesekoak hileko lehen asteartean 19:00etatik 20:30etara, gaztelaniazkoak hileko lehen asteazkenean 19:00etatik 20:03etara, komikienak hileko astearte batean 19:00etatik 20:30era eta frantsesekoak hileko lehen ostiralean 19:00etatik 20:30era. Euskarako, gaztelerako eta komikien irakurketa klubak hilean behin bilduko dira. Ingelesekoa eta frantsesekoa, aldiz, bi hilean behin. Ekimen hauek Lobianon Kultur Gunean egingo da eta urriaren lehenengo astean hasiko dira.