Sarrerak agortuta Nil Molinerrek Ermua Antzokian emango duen kontzerturako

Nil Moliner musikari eta konpositore bartzelonarrak kontzertua eskainiko du ostiral honetan, hilak 1, Ermua Antzokian, 20:30ean. Artistak interes handia piztu du herrian, eta dagoeneko sarrera guztiak agortu ditu.

1992an jaio zen Moliner, eta berak esaten duen moduan, "abestiak idaztea eta barre asko egitea" ditu gustuko. Bailando en la batalla 2020an argitaratutako bere lehen diskoarekin Espainiako album-salmentaren zerrenda ofizialeko 2. postura iritsi da, eta Soldadito de hierro singlea Instagrameko musikaren Top 10ean kokatu da.

Los40 Music Awards-etan 2020ko Artista Errebelazioaren saria jaso du Nil Molinerrek, eta etorkizun oparoa du aurretik.