Malena Alteriok eta Luis Bermejok solasean arituko Ermua Antzokian

‘Los que hablan'' izenburua du Antzokiak aste honetarako proposatzen digun antzerki estreinaldia. Hori bai, egun ‘desberdin’ batean eta aste erdian -asteazkenean- programatu da, ohiko ostiralaren ordez. Irailaren hirugarren asterako aurreikusitako antzezpena programazioan sartu behar izan baita, aktoreek ustekabeko bat izan eta aldaketa eskatu ondoren. Dena dela, aukera ona da antzerkiaz eta kulturaz gozatzeko. Antzezlanak aktore eta aktore ezagun bi dakarzkigu, Malena Alterio eta Luis Bermejo. Testua eta zuzendaritza Pablo Rosalenak dira. Sarrerak 12 € balio du eta Kutxabank entitatearen webgunean, orotariko kutxazainen sarean, Lobiano Kulturgunean edo bestela, emanaldiaren hasi baino lehen sarrerako leihatilan eros dezakegu.

Antzezpenean elkarren artean hitz egiten duten pertsonaia bi agertokira sartzen dira, batak bestearekin solasean aritzeko. Luis Bermejo eta Malena Alterio dira agertokiko jatorrizko pertsonaiaren esperientzia berriro aurkitu nahi duen pieza bati aurpegia eta ahotsa jartzen diotenak. Gizon bat eta emakume bat mahai baten aurrean eseri eta hizketan ari dira. Batak bestearekin hitz egiten du, eta batari eta besteari buruz. Egunerokotasunari buruzko elkarrizketak, pertsonaiei buruzkoak. Hitzen hauskortasuna edo indarra, ozen ahoskatze hutsagatik. Rosal zuzendariak biluzik uzten ditu pertsonaiak, moldeak, manikiak, ikusleari izaki aurrekulturalak aurkezteko, beti hauskorrak, soka ahulean, norbait izatea lortu aurretik.