Ermuak ez ditu tasak eta ordenantzak igoko 2022an

Bigarren urtez jarraian, Ermuko Udaleko Osoko Bilkurak datorren ekitaldirako tasa eta ordenantza fiskalak bere horretan mantentzea erabaki du. Oraingo honetan, gainera, Udalbatzak aho batez bozkatu du 2022rako tasak ez igotzearen alde.

Aurreko urteetan, irizpide orokor gisa, zergen errebalorizazioa KPIren arabera jasotzea erabaki izan da. Baina Covid-19aren pandemiak eragindako egungo egoera sozial eta ekonomikoak ezohiko neurriak hartzera behartzen gaitu, ondorio larriak arintzeko. Horregatik, Gobernu Taldeak (PSE-EE/PSOE eta EAJ) aurkeztutako eta udal talde politiko guztiek onartutako proposamenak ez du igoerarik jasotzen.

Hala ere, udal azpiegituren kudeaketa eta erabilera bultzatzera bideratutako aldaketa batzuk planteatzen dira, hala nola Ermua Antzokia edo Lobiano Kultur Gunea, irabazi asmorik gabeko kolektibo eta elkarteen aldetik.

• Ordenantza fiskalak 2022

Juan Carlos Abascal alkateak azaldu duenez, alda daitezkeen tasa bakarrak kanpotik kudeatzen direnak dira: ura, Gipuzkoako Ur Kontsortzioak kudeatzen duena, eta zaborrak, Debabarreneko Mankomunitatearen eskumenekoak direnak eta zerbitzuak bete ahal izateko igo daitezkenak, legeak ezartzen duenaren arabera.

Hona hemen joan den urriaren 26ko Osoko Bilkuraren bideoa, 2022ko Ordenantza Fiskalen eztabaida osoa ikusteko.