‘La cronica francesa’ protagonista asteko zine egitarauan

Zine aste berri bat hastear da Ermua Antzokian, eta ostegunetik asteartera bitartean lau pelikula ezberdinez gozatzeko aukera izango dugu. Oraindik erosi daiteke azaroko bonoa, 15,6 euroren truke hileko zineklub eta zine komertzial saioetara joateko aukera ematen duena. Lobiano Kultur Gunean eta Ermua Antzokiko leihatilan daude salgai.

Asteko egitaraua ostegun honetan, hilak 11, hasiko da Pleasure film suediarrarekin; Ninja Thyberg zuzendariaren estreinako pelikula da. 19 urterekin, Linnea gazteak atzean utzi du Suediako jaioterriko bizitza Los Angelesera joan eta Bella Cherry, pornoaren hurrengo izarra, izateko. Behetik hasita, Bella pixkanaka-pixkanaka helduentzako zinemaren mundu hierarkikoan sartuko da, izarra izateko bideak gero eta "trikimailu" larri eta zailagoak egitea eskatzen diola ohartzen den bitartean. Indartsua, bere buruaz seguru baina aldi berean inozoa, Bellak uste du sistema ustel hori moldatu ahal izango duela bere beharretara egokitzeko. Azkenean, izarra izatera iristeagatik bere balioei uko egitea merezi ote duen erabaki beharko du. Pleasure 20:30etatik aurrera emitituko da, jatorrizko bertsioan eta azpititulatuta.

Zine komertzialak Frantzian girotutako bi komedia eskainiko dizkigu. Lehenengoa Pierre Pinauden Entre rosas da, Catherine Frot, Fatsah Bouyahmed eta Olivier Breitman protagonista dituena. Evek munduko arrosarik ospetsuenak sortzen zituen, baina orain modaz kanpo dago, apur bat mingostuta eta porrot egiteko zorian dagoen enpresa batekin. Verak, bere laguntzaile leialak, ezin du utzi bizitza osoan defendatzen ari dena besterik gabe desager dadin, eta hiru pertsona kontratatzen ditu, gizarteratzeko programa batetik datozenak, sektoreko enpresaburu diruzale baten atzaparretan erortzea saihesteko. Munduko gogo guztiekin eta lorezaintzan trebetasun gutxirekin, plan zoro baina distiratsu bat martxan jartzen dute familiaren negozioaren patua aldatzeko. Entre rosas larunbatean 19:30ean eta astelehenean 20:30ean proiektatuko da.

Bigarren film komertziala Wes Andersonen azken filma da, La cronica francesa (del Liberty, Kansas Evening Sun). Benicio del Toro, Frances McDormand, Adrien Brody, Bill Murray, Tilda Swinton, Timothee Chalamet, Lea Seydoux eta Owen Wilson dira, besteak beste, The French Dispatch aldizkariko kazetari eta kolaboratzaile talde bati bizia ematen dion luxuzko errepartoa osatzen duten izenetako batzuk. Arthur Howitzer Jr. da aldizkari honen editorea, eta politikaren munduarekin, arte altu eta baxuekin eta giza intereseko istorioekin zerikusia duten gaiak jorratzen ditu. Kazetari talde honen denetariko istorioak kontatuko ditu: heriotza zigorra ezarri zaion artista bat, chef bat inplikatzen duen bahiketa edo ikasle matxinadak. La cronica francesa kazetaritza munduarekiko maitasun gutuna da, eta igandean 19:30ean eta asteartean 20:30ean ikusi ahal izango da.

Egitaraua haurrentzako D''Ortagnan eta hiru mosketxakurrak euskarazko filmarekin osatuko da. D''Ortagnan gazte oldarkor eta idealista da, Gaskoniako herri txiki batean gurasoekin bizi dena. Bere bizitzako helburu bakarra bere aita bezalakoa izatea da, erregearen Mosketxakur bat. Bere Rofty zaldiarekin, D''Ortagnan Pariserako abiatzen da abentura bila, non Pom sagua batzen zaion, liskartia eta bilatzailea, ezkutari gisa. Pontos, Amis eta Dogos lagun mosketxakurrekin batera, gure protagonistak adiskidetasunaren eta justiziaren balioa ezagutuko du. 80ko hamarkadako telebistako klasikoaren bertsio gaurkotu hau, Alejandro Dumasen eleberri ospetsuenean inspiratua, igandean emitituko da 17:00etan.