‘Arratsaldean kontu kontari’ euskarazko ipuin kontaketa saioa

Ermuko Udal liburutegiak Arratsaldean kontu kontari zikloko euskarazko ipuin-kontaketa saio berri bat antolatu du larunbat honetarako, azaroak 20.

Narrazioaren izenburua Gauaren itzal artean da, eta 4 eta 8 urte bitarteko haurrei zuzenduta dago bereziki. Birjiñe Albira kontalariak dinamizatuko du saioa.

Jarduera 17:30ean hasiko da Lobiano Kultur Gunean. Sarrera doakoa da, baina bertaratu ahal izateko, aurrez tokia erreserbatu behar da 943 17 92 12 telefono zenbakira deituz, https://wa.me/34943179212 helbidera WhatsApp-a bidaliz edo biblioteca@udalermua.net posta elektronikora idatziz, haurraren izen-abizenak eta adina zehaztuta. Plazak izen-emate ordenaren arabera esleituko dira.

Covid-19a prebenitzeko ezarritako neurriak betez, derrigorrezkoa izango da maskara erabiltzea 6 urtetik gorako haurrentzat. Adin horretatik beherakoentzat ere maskara erabiltzea gomendatzen da, haiek eta gainerako haurrak babesteko neurri gisa.

Etenaldiak saihesteko, bertaratutakoei puntualtasuna eskatu zaie.