Ermuak lan orientaziorako eta enplegurako lau proiektu berri izango ditu

Ermuko Udalak ia 295.000 euroko diru-laguntzak jasoko ditu 2021etik 2023ra lan-orientazioko eta enpleguko lau programa gauzatzeko. Horiek abian jartzeko planifikazio lanean ari da, eta egun martxan dugun gazteen berme programari gehituko zaizkio. Diru-laguntza horiei gure toki-administrazioak jartzen duen zuzkidura ekonomikoa gehitu behar zaieon, jasotako kopuruak ez baitu kostu osoaren estaltzen.

Abian jarriko diren lau proiektuak ondorengoak dira:

• Enplegua sustatzeko tokiko ekintzak 21. Lanbide-Euskal Enplegu Zerbitzuak batera finantzatutako enplegu-plana.
• Lan-orientazioa. Lanbide-Euskal Enplegu Zerbitzuak eta Europako Gizarte Funtsak batera finantzatua. Euskal Autonomia Erkidegoko 2014-2020 aldirako Programa Eragileak, Gazteak eta Euskal Autonomia Erkidegoko Plusa, 2021-2027.
• Enplegu-zentroa. Lanbide-Euskal Enplegu Zerbitzuak kofinantzatua.
• 3R Tokiko enplegua. Bizkaiko Foru Aldundiak kofinantzatua.

Proiektu bakoitzaren hainbat ezaugarri

Enplegua Sustatzeko Tokiko Ekintzen proiektuaren helburua gaitasun pertsonalak eta profesionalak hobetzea da, parte-hartzaileen kualifikazioa eta lan-esperientzia areagotuz. Kontratatutako pertsonak Ermuko zerbitzu publikoak eta ingurunea hobetzen laguntzen duten lanetan txertatuko dira. Guztira 20 pertsona kontratatuko dira, sei hilabetez (16 zerbitzu anitzetarako eta 4 zerbitzu administratibo eta teknikoetarako). Lanbidek ezartzen du lehentasuna dutela emakume langabeek, Diru-sarrerak Bermatzeko Errenta jasotzen dutenek eta 55 urtetik gorakoek. Gainera, iraupen luzeko langabeen, gazteen eta bazterketa-arriskuan daudenen egoera ere kontuan hartzen du. Lanbidek zerrenda bat bidaltzen dio udalari izangai posibleekin, eta erakundeak hautaketa egiten du, proposamen hori oinarritzat hartuta.

Lan-orientazioko proiektuak 2 urteko iraupena izango du. Eta honako alderdi hauek biltzen dituen zerbitzu bat ematean datza: lan-merkatuari buruzko informazioa, eskaera eguneratzea eta Lanbiden administrazio-egoera aldatzea, banakako diagnostikoa, enplegagarritasunaren balorazioa eta eskatzailearen profila eta baliabideak lantzea. Halaber, enplegurako eta laguntzarako ibilbide pertsonalizatua diseinatzea, orientazioa, aholkularitza eta banakako laguntza. Hasierako informazioa eta ekintzailetzarako eta autoenplegurako aukerak hautematea.

Enplegu-zentroaren proiektuak urtebete iraungo du. Enplegu-zentroa Ermuko Udalak enplegu bila ari diren pertsonen eskura jartzen duen espazio fisiko egonkorra da; auto- eta erabilera-ekipamendu informatikoak dituen toki espezifiko bat, gizarteratzeko ekintzak garatzeko eta helburua lortzeko baliabideei buruzko kontsultak egiteko. Zentroak orientatzaile dinamizatzaile baten etengabeko laguntza du eskura dauden tresnak erabiltzeko. Enplegu-zentroa talde-jarduerarako gune programatua ere izan daiteke, orientatzaile dinamizatzaileak zaintzapean.

3R Tokiko Enplegua proiektuaren helburua langabezian geratu diren pertsonen laneratzea erraztea da. Horregatik, parte-hartzaileek aldez aurretik lan egin beharko dute, eta egoitza Bizkaian izan beharko dute. Proiektua gehienez 15 parte-hartzailerentzat diseinatuta dago. 2021eko abendutik 2022ko martxora arte gauzatuko da. Eta langabeei eta enpresei laguntzeko programa bat garatzea izango da, gaitasun digitaletan birorientatzeko, birkokatzeko eta birkualifikatzeko ekintzekin.