Atzerritartasunari buruzko gaien inguruko informazioa emateko hitzaldiak

Indarrean dagoen araudia, nazionalitatea lortzeko baldintzak eta osasun-sisteman sartzeko baldintzak azalduko dituzte

Ermuko Gizarte Zerbitzuen arloko Immigrazioko udal unitateak atzerritartasunarekin lotutako gaiei buruzko informazioa emateko saio batzuk antolatu ditu azaro eta abendurako. Zikloak hiru saio aurreikusten ditu, azaroko lehenengoa aurreko asteazkenean egin zen, azaroaren 17an, atzerritarrei buruzko araudia jorratuz. Bertan, Biltzen Eusko Jaurlaritzako Laguntza Juridikoko Euskal Zerbitzuko abokatu bat egon zen. 

Azaroko bigarren saioa aste honetako asteazkenean izango da -hilaren 24an- Lobiano Kultur gunean, 10:45etatik aurrera. Bertan, nazionalitatea eta jasotzen diren betekizunak jorratuko dira. Saio horretan, Biltzen Eusko Jaurlaritzako Laguntza Juridikoko Euskal Zerbitzuko abokatu bat izango da berriz ere.

Aurtengo hirugarren eta azken saioa datorren abenduaren 15ean izango da -asteazkenean-. Bertan, osasun-sistemarako sarbideari buruzko informazioa emango da, Munduko Medikuen kide baten lekukotzaren bidez.

Ermuko Udalak Eusko Jaurlaritzarekin batera antolatzen eta finantzatzen du zikloa, Biltzen eta Munduko Medikuen laguntzarekin. Hitzaldiotan bertaratzen direnek beharrezkoa duten informazioa jasotzen dute eta, horrela, beren egoera juridikoarekin moldatzeko gaitasunak hobetzen dituzte, eta, aldi berean, herrialdean sartzeko baldintzei, egonaldiari, ikasketei, bizilekuari, familia-elkartzeari eta lanari lotutako ezagutzak eskuratzen dituzte, besteak beste.

Saio-ziklo honen helburua herritarrei beharrezko informazioa helaraztea eta ezagutzen laguntzea da, eskubideak, ondasunak eta zerbitzuak eskuratzea eragotz dezaketen oztopoak ezabatzeko. Saioak atzerritarrei zein atzerritarrekin familia- edo lan-harremanak dituzten nazionalei zuzenduta daude. Baita atzerritarren boluntarioak ere, hobeto informatu eta lagundu ahal izan dezaten. Eta beren jardueran atzerritarrekin lan egiten duten profesionalak.

Daten eta gaien zerrenda zehatza honako hau da:

• Azaroaren 17a. Lobianon, 10:45ean. Atzerritarrei buruzko araudia.
• Azaroaren 24a. Lobianon, 10:45ean. Nazionalitatea: sartzeko baldintzak
• Abenduaren 15a. Lobianon, 10:45ean. Osasun-sistemarako sarbidea