Denboraldiko ingelesezko azken ipuin kontaketa

Ermuko udal liburutegiak ingelesezko ipuin-kontaketa saio berri bat antolatu du abenduaren 11rako. Story Time zikloko azken jarduera izango da 2021ean.

Saioaren izenburua You Will Be Queen da eta 3 eta 7 urte bitarteko haurrei zuzenduta dago. Kontatzailea Hannah Berry izango da.

Story Time saio hauen helburua ahozko tradizioaren bidez irakurtzeko zaletasuna sustatzea da, baita ingelesa modu ludiko batean ikastea sustatzea ere.

Ekitaldia Lobiano Kultur Gunean izango da 17:30etan eta sarrera doakoa da. Joan ahal izateko, beharrezkoa da plaza erreserbatzea abenduaren 6tik aurrera, 943 17 92 12 telefonora deituta, WhatsApp bat bidalita https://wa.me/34943179212 helbidera edo posta elektroniko bat biblioteca@udalermua.net helbidera haurraren izen-abizenak eta adina adieraziz. Plazak izen-ematearen hurrenkeraren arabera esleituko dira.

COVID-19a prebenitzeko neurri gisa, 6 urtetik gorako haurrentzat derrigorrezkoa da maskara erabiltzea, eta adin horretatik beherakoek maskara erabiltzea gomendatzen da, bai euren burua, baita beste haurrak babesteko ere.

Etenaldiak saihesteko, puntualtasuna eskatzen da.