Matrikula berrirekiko du Helduen Heziketa Iraunkorreko zentroak

Ermua-Durangoko Helduen Heziketa Iraunkorreko Zentroak (HHIk) 2021/2022 ikasturterako matrikulazio epea berrirekiko du. Biharren lau hilabeterako matrikula berria urtarrilaren 27tik otsailaren 4ra bitartean egin ahal izango da, biak barne. HHIn trebatu nahi duten 18 urtetik gorako pertsonek Teresa Murga eraikineko hirugarren solairuan dagoen zentroan eman ahal izango dute izena. Ordutegia: goizez, 09:00etatik 13:00era, astelehenetik ostiralera, eta arratsaldez, 16:00etatik 19:00etara, astelehenetik ostegunera.

Irakaskuntza arautuaren barruan, I. eta II. mailako hasierako irakaskuntzak eskaintzen dira, euskaraz zein gaztelaniaz. Irakaskuntza ez-arautuaren blokean, bestalde, gaztelaniazko eskolak ematen dira atzerritarrentzat. Era berean, ikastaro bat dago migratzaileek nazionalitateari buruzko azterketa prestatzeko, zeina Durangon ematen den.

Edozein zalantza argitzeko, deitu Ermuko 943 17 50 30 telefono zenbakira edo Durangoko 946 81 42 53 telefonora.

Helduentzako Hezkuntza Zentroetan eskaintzen den irakaskuntza ofiziala eta doakoa da, eta Eusko Jaurlaritzako Hezkuntza, Unibertsitate eta Ikerketa Sailak koordinatzen du.

Informazio gehiago nahi izanez gero, jo Durangoko zentro koordinatzailearen webgunera.