‘Ganbara', familia osoarentzako bidaia emozionala baserri mundura

Markeliñe antzerki taldeak Ganbara antzezlana aurkeztuko du larunbat honetan Ermua Antzokian.

Ganbara lanak baserri mundu baten oroitzapenak berreskuratu nahi ditu antzerkiaren ikuspegitik. Burujabetasunak lana sortzen zuen bizitzeko modu bat, non etxea (pertsonak, uzta eta animaliak harmonian bizi ziren bizitzako eta laneko batasun espazioa) identitatearen ikono nagusi gisa agertzen den. Emakumeak baserriko ezinbesteko zutabe gisa duen balioa nabarmentzeko eta ohoratzeko ahalegina da ere.

Obra honetako protagonista familiaren baserri zaharrera itzultzen da, saltzeko asmoz. Ganbaran sartzean, antzinako babesleku eta jolasen labirintoan, erdi lotan zeuden sentsazioak, jadanik gurekin ez daudenen oroitzapenak eta baserri munduko soinuak pizten dira. Ondarea galtzeko beldurra sortzen da, izan ginenaren, garenaren oroitzapena galtzeko beldurra. Sustraietara egindako bidai emozional honetan, iragana gogoratuko dugu, etorkizunari aurre egiteko.

Ganbara larunbat honetan antzeztuko da, otsailaren 5ean, 17:00etan. Sarrerak 4 euroan daude salgai Lobiano Kultur Gunean eta Kutxabanken webgunean, eta egun berean erosi ahal izango dira Antzokiko leihatilan.