'Covid garaiko bizikidetza'ri buruzko hitzaldia antolatu du Bidari elkarteak

"Bidari" elkarteak hitzaldi bat antolatu du, "Bizikidetza Covid-19aren garaian" izenburupean. Pandemian zehar aurre egin behar izan diogun gaietako bati helduko dio. Datorren astelehenean, martxoak 14, arratsaldeko 18: 30etan izango da Gaztela eta Leongo Kultur Elkartearen egoitzan. Eider Perez psikologoak hitz egingo du, giza harremanei buruzko master tituludunak. Sarrera librea eta doakoa da.

Ermuko urritu fisiko eta/edo organikoak biltzen dituen elkartea da Bidari. 1994an sortu zen, eta ordutik lanean ari dira urritu fisikoa eta/edo organikoa beste eragile bat izan dadin gizartean. Horretarako, haien laneratzea eta gizarteratzea lortzeko beharrezkoa den informazio eta kudeaketa guztia ematen ahalegintzen dira. Gainera, kudeaketetan eta dokumentazioa izapidetzen laguntzen dute, hala nola, ibilgailua erosteko minusbaliotasun-ziurtagiria, etab. Gaur egun, Bidari pertsonaren garapen osora eta, bereziki, elkartekideen artean kirola sustatzera bideratuta dago.