'Kuikui' ikuskizuna estreinatuko dute Antzokian Pirritx, Porrotx eta Marimototsek

Pirritx, Porrotx eta Marimotots hirukotea ostiral honetan -martxoaren 25ean- Ermua Antzokira buelktatuko da, ''Kuikui'' ikuskizun berria aurkeztera. Pailazoek bi saio eskainiko dituzte Ermuan, arratsaldeko 5etan eta 7etan, eta ia ez da sarrerarik geratzen emanldi bikoitza izan arren. Geratzen direnak aldez aurreko salmentan eros ditzakegu Lobiano Kulturgunean, Kutxabanken webgunean eta bere orotariko kutxazainen sarean.

Kuikui ikuskizuna

Hegan, urrutira begiratuta, hara non balea topatuko dugun sudurgorriok, plastikoz betea, Txo Mikmak indio txikiarekin eta pinguinoarekin batera hurbildu dena itsasertzera.

Eta Tider migrantea, Baionarako bidean, Bidasoan, hontza mugalariaren laguntza aurkituko duena.

Eta azkenik Ilargi baserritarra, bere oiloarekin datorrena. Margarita txitatzen ari den arraultzetik jaiotzear da txitakolorea, munduari oparituko dizkiona bere koloreak… ''Kuikui'' txita jaioko da eta denok kantatuko diogu ''Kuikui'' munduari, trinoa euskaraz, munduko txorien kantuen sinfonian bat gehiago. Kui Kuikui!