'IoT Teknologiak: industria-errealitate berriaren bultzatzaile' izeneko jardunaldia egingo Izarra Centren

Ermuko Izarra Centrek ''IoT Teknologiak: industria-errealitate berriaren bultzatzaile'' izeneko jardunaldia hartuko du apirilaren lehen astean. Apirilaren 5eko asteartean izango da, auditorioan, eta ikuspegi dinamiko eta erabat praktikoa izango du bi ordu baino gutxiagoan garatuko baita, programak zehazten duenez. Jardunaldian hainbat konponbide eta jardunbide egokiak aurkeztuko dira, eraldaketa digitalerako bilakaeran ETEetan garatutakoak, eta horiek partekatzera gonbidatuko dira. Jardunaldi horretan parte hartzen dute SPRIk (Enpresa Garapenerako Euskal Agentzia), Innobasquek (Berrikuntza Agentzia), Bizkaiko Foru Aldundiak, GAIA klusterrak (Ezagutzaren Industrien eta Teknologia Aplikatuen Elkartea) eta Ermuko Udalak.

Saioa enpresen arteko topagunea izango da, eta bertan ezagutzaren transferentzia, teknologia berriak eta beharren eta aukeren identifikazioa izango dira osagai nagusiak. Ermua eta Mallabiko hainbat enpresak: ''Decomesa'', ''IMAG'', JICA, esaterako parte hartuko dute eta arrakasta kasuak aurkeztuko dizkiete bertaratutakoei. Gure inguruko hainbat enpresatako ordezkariek hurbileko errealitateak ezagutaraziko dituzte eta, adibidearen bidez, digitalizazioarekin eta IoTaren erabilerarekin duten konpromisoa erakutsiko dute.

Kasu zehatzak azaldu ondoren, GAIAko zuzendari nagusi Tomás Iriondok enpresen eraldaketa digitala eta etorkizuneko PTD proiektu bat finantzatzeko dauden programa espezifikoen xehetasunak aurkeztuko ditu.

Jardunaldi hori apirilaren 5ean izango da, Izarra Centreko Auditorioan, eguerdiko 12:00etatik aurrera. 25 minutuko bisita ere aurreikusten du IoT Basque Izarra Centre laborategira. Jardunaldia 13:45ak aldera amaituko da, eta, ondoren, lan-topaketa edo networking bat egitea aurreikusten da. Horiek mokadu bat izango dute, iritziak trukatu eta lankidetza-sareak ezartzen dituzten bitartean.

Parte hartu nahi dutenek formulario honen bidez eman dezakete izena.

Jardunaldia urrutitik jarraitu ahal izango dazuzenean, streaming bidez eta Youtubeko gure kanal korporatiboaren esteka honen bidez.