Posible al dira ingurune seguruak asiloa eta aterpea eskatzen duten LGTBI pertsonentzat?

Ermuak Arrazakeriaren eta Xenofobiaren aurkako Astearen edizio berri bat ospatuko du apirila honetan. Immigrazio Zerbitzuak hainbat jarduera antolatu ditu beren identitatea edo sexu-egoera dela-eta jazarriak eta diskriminatuak diren herrialdeetatik urrun migratzen eta babesa bilatzen duten pertsona-taldeen egoerari buruzko hausnarketan sakontzeko. Migratu behar izan duten LGTBI pertsonen errealitatea agerian jartzea eta ezagutaraztea da jardueraren helburua. Antolatutako jardueren artean, honako hauek izango ditugu: La Merced Migraciones Fundazioaren argazki erakusketa bat; ACCEM GKEaren, Aldarteren eta arrazoi horrengatik migratutako pertsonen testigantzak bilduko dituen zuzeneko irratsaio bat Lobianotik; zine-forum eta giza eskubideen ikasgelak ikastetxeetan.

Europak 2015ean bizi izan dituen errefuxiatuen krisiak, Siriako gerra zibiletik ihes egiten ari ziren ia milioi bat pertsonen etorrerarekin, mota horretako desplazamendu handiena izan da, asilo-eskatzaileak, urrakortasuna duten pertsonak eta Europar Batasunak bigarren Mundu Gerraz geroztik bizi izan dituen migratzaile ekonomikoak. Siriarrei, afganiarrei, Ekialde Ertaineko eta Saharaz hegoaldeko Afrikako gatazketatik ihesi zihoazen milaka desplazatu batu zitzaizkien. Ehunka mila pertsonak Mediterraneo itsasoa zeharkatzen dute gerratik eta jazarpenetik ihesi.

Europar Batasuneko kanpo-mugetan barrena egiten diren pertsonen mugimendu masibo horiei, zeinak ordurako zalantzan jartzen baitzuten asilo-sistema bateratuak Europan bakearen, justiziaren eta elkartasunaren sorrerako printzipioekin koherentea den erantzuna emateko duen gaitasuna, Ukrainako gerra gehitu zitzaien 2022an.

Komunikabideen informazioagatik ezagunagoa den errefuxiatuen krisi-egoera honetan, asiloa eskatzen duten pertsona-taldeak mugitzen dira, beren jaioterrietan jazarpena jasaten dutenak eta arreta berezia eskaini nahi diogun helmugako gizarteetan errealitate ikusezin bat jasaten dutenak.

Astearen edizio honen helburua da migratu behar izan duten LGTBI pertsonen errealitatea, diskriminatzeko moduak eta talde kaltebera horiekiko arbuioa ikusaraztea eta ezagutaraztea, bai ihesean eta bai harrera ematen dien gizartean, baita nazioarteko babes-mekanismoetan dauden hutsuneak eta tokiko espaziotik giza eskubideen errespetua bermatzeko planteatzen diren erronkak ere.

Immigrazio Sailak aste honetarako antolatutako jarduerak:

• Argazki erakusketa: ''Orgullo de Valientes'' titulukoa.
  • Apirilaren 19tik maiatzaren 1era Lobianon.
  • ''La Merced Migraciones Fundazioa'' (Madril)
• Lobiano Kulturgunetik zuzeneko irratsaioa: Radio Eibar Cadena Ser irratiaren ''Hoy por hoy''. Sarrera doan.
  • Apirilaren 28an, osteguna, 12:20tik 14:00ra.
  • Parte hartuko dutenak:
  • Miren Leiceaga, ACCEM GKEkoa
  • Gay, lesbiana eta transexualei laguntzeko ALDARTE-Zentroko profesionalak.
  • Sexu-identitatearen aurkako jazarpenagatik migratutako pertsonen testigantzak.
• Hezkuntza-jarduerak herriko ikastetxeetan.
  • Zinema eta giza eskubideen ikasgelak.
  • Gorroto-delituei buruzko zine-foruma, OSIGk zuzendutako Sexu-orientazioa eta genero-identitatea.