Mara Elorza irabazle haurrentzako III. Komiki Lehiaketan

Amaitu da haur eta gazteentzako komiki lehiaketaren hirugarren edizioa, eta Ermuko Udalak liburutegiaren bitartez antolatutako lehiaketak 26 lan jaso ditu guztira.

Epaimahaia Kike Infame eta Martin Azpilikueta komikigile adituek eta liburutegiko langileek osatu dute, eta guztien artean Mara Elorza Eskolabarriko Lehen Hezkuntzako 5. mailako ikaslearen Matxismorik ez! lanari eman diote haurren kategoriako saria. Epaimahaiak marrazkiaren kalitatea eta lanaren akabera, narrazio arina eta gure garaiko arazoei modu naturalean heltzeko modua nabarmendu ditu.

• Matxismorik ez! komiki irabazlea

Lehiaketaren saria irabazlearentzako marrazki-materiala eta ikasketak egiten dituen zentrorako komiki-sorta dira.

Bestalde, gazteen kategoriako saria hutsik geratu da.

Beatriz Gamiz Kultura eta Berdintasun zinegotziak sari bikoitza eman die Mara Elorzari eta Eskolabarri zentroari astearte honetan ikastetxean bertan.

Haur eta gazteentzako komiki lehiaketa Lehen Hezkuntzako 5. mailako eta Bigarren Hezkuntzako 4. mailako ikasleei zuzenduta dago, Martin Azpilikuetak herriko ikastetxeetan emandako komikien ilustrazio tailerretan parte hartu dutenei, hain zuzen. Lehiaketa Udal liburutegiak duela bederatzi urtetik antolatzen duen literatur genero honen irakurketa sustatzeko urteroko kanpainaren parte da.