San Pelaio Ikastetxeak Europaren Eguna ospatu du

Ermuko San Pelaio ikastetxeak Europaren Eguna ospatu du astelehen honetan, maiatzak 9. Azken asteetan, Batxilergoko eta Bigarren Hezkuntzako ikasleek hainbat jarduera prestatu dituzte data ospatzeko, 1950eko maiatzean Europako estatuak integratzeko eman zen lehen urratsa gogoratuz.

Ekitaldia 9:00etan hasi da Batxilergoko 1. mailako ikasleen aurkezpenarekin, eta ondoren Europa Utópica aldizkari digitalaren inguruko erakusketa egin da. Argitalpen hau ikastetxeko kurtso guztien laguntzarekin egin da.

Juan Carlos Abascal Ermuko alkatea ekitaldian izan da eta bertako ikasle guztiei hitz batzuk eskaini dizkie.

Ospakizun ekitaldiei amaiera emateko, Bigarren Hezkuntzako ikasleek eztabaida bizietan parte hartu dute. Bertan, alkatea, Jol Gisasola, Arritokieta Araiztegi eta Julen Domínguez zinegotziak eta David Saceda Bake Epailea izan dira epaimahaikide.