Story Time, ingelesezko ipuinak larunbat arratsalderako

Ermuko Udal liburutegiak Story Time ingelesezko ipuin kontaketa saio berria antolatu du larunbat honetarako, azaroak 5.

Ipuin saioaren izenburua Chop Chop Soup da, eta 4 eta 9 urte arteko haurrei zuzenduta dago. Kontalaria eta dinamizatzailea Virginia Moriones izango da.

Story Time ipuin kontaketa saioen helburua ahozko tradizioaren bidez irakurzaletasuna sustatzea da, eta aldi berean, ingelesa modu ludikoan gerturatzea eta ikastea.

Jarduera 17:30ean hasiko da Lobiano Kultur Gunean. Sarrera doakoa da, baina aldez aurretik tokia erreserbatu beharko da 943 17 92 12 telefono zenbakian, WhatsApp bidez (https://wa.me/34943179212) edo biblioteca@udalermua.net helbide elektronikora idatziz eta umearen izen-abizenak eta adina adieraziz. Plazak izen-emate ordenaren arabera esleituko dira.

Etenaldiak saihesteko, puntualtasuna eskatzen da.