Etorkinentzako poltsikoko hiztegi eleanitza

Alkarbidek, Bizkaiko Euskara Zerbitzuen topaguneak, argitaratu eta koordinatu du Ermuan, Amorebieta-Etxanon, Berrizen, Elorrion eta Zaldibarren eskuragarri dagoelarik.

Bizkaiko hainbat udalerrik, Alkarbiderekin koordinatuta, esku edo poltsikoko oinarrizko hiztegi bat argitaratu dugu, etorkinei integrazio-prozesuan laguntzeko. Hitz edo termino bakoitzak bere baliokidea du hamar hizkuntzatan. Hiztegi horretan, besteak beste, agurrak, denbora, helbideak, hitz arruntak, garraioak, egunak, janariak eta edariak, zenbakiak, moneta edo diruaren ingurukoak jasotzen dira. Dokumentuak euskarazko terminoak jasotzen ditu, bizkaieraz, gaztelaniaz, ingelesez, frantsesez, portugesez, arabieraz, txineraz, errumanieraz eta Afrika mendebaldeko hizkuntza natibo batean: wólof (Gambia eta Senegalen erabiltzen dena).

Agiriak bere agurrean adierazten duenez " euskarak ez du inor arrotz, eta hemen pertsona guztiak etorkinak gara: batzuk duela hamar mende iritsi ginen; beste batzuk duela bi minutu; eta beste asko bidean gatoz. Ongi etorri!

Kanpaina honetan parte hartu duten udalerriak hauek izan dira: Abanto-Zierbena, Amorebieta-Etxano, Berango, Berriz, Elorrio, Ermua, Etxebarri, Gernika-Lumo, Leioa, Lekeitio, Ortuella eta Zaldibar. Algitalpenak Bizkaiko Foru Aldundiaren babesa eta dirulaguntza du.

• Oinarrizko esku- edo poltsiko hiztegi eleaniztuna