D. Bowieri buruzko dokumentala, 'Girasoles silvestres' eta 'Amsterdam' filmak ikusgai Ermua Antzokian

Ermua Antzokiak ekartzen dituen estreinaldien barne asteburu honetarako lau filma berri dakarzkigu. Programazioa ostegun arratsaldeko zineklubaren asteroko saioak irekiko du, bertan David Bowie abeslariari buruzko ''Moonage Daydream'' dokumentala ikusi ahal izango dugu. Brett Morgenek zuzendu du eta 136 minutu irauten du. Ostegunean, iluntzeko zortzi eta erdietatik aurrera.

Zine komertzialaren atalean, Jaime Rosales zuzendariaren ''Girasoles silvestres'' filma espainiar ikusi ahal izango dugu. Aurten estreinatutako drama da, 107 minutu irauten duena. Juliaren, 22 urteko neskaren eta bi haurren amaren, eta Oscarren, mutil gatazkatsuaren arteko harremana kontatzen du. Juliak planteatuko du mutil hori bere ondoan behar duen pertsona dela. Larunbatean 19:30ean eta astelehenean 20:30ean ikusteko aukera izango dugu.

Asteko bigarren proposamen komertziala ''Amsterdam'' titulua da, David O. Russell errealizadorearen ekoizpen iparramerikarra, bi ordu baino gehixeagokoa (134 minutu). Komedia eta intriga kutsuko epopeia erromantiko bat da, Estatu Batuetako historiako trama sekretu zirraragarrienetako batean sartuta dauden hiru lagunen ingurukoa. Larunbatean 22:00etan eta igandean 19:30ean ikusi ahal izango dugu.

Azkenik, igande arratsaldean, gazteentzako proiekzioan, ''Los BuscaMundos'' marrazki bizidunen filma ikusi ahal izango dugu, 17:00etatik aurrera. Samuel Tourneuxek zuzendutako 2021eko zinta frantsesa da. Abenturaz beteriko animazioa. Passepartout, liburu-zalea den tximino titi bat, munduaren inguruan abentura basati batean bidaiatzeko apustu bat onartzen du.

Informazio gehiago Ermua Antzokiko mikrositean.